Deçani po ofron një destinacion të shkëlqyer për turistët, gjithçka po shkon drejtë finalizimit të shumë projekteve të rëndësishme në të cilat është punuar dhe po punohet në vazhdimësi, tani Deçani ofron një sërë aktivitetesh ku turistët por edhe vendorët kanë kënaqësinë t’i përjetojnë në qytetin e bukur plotë vlera kulturore dhe natyrore!
Deçani iu mirëpret!
Kjo maskë është e përshtatshme për të stimuluar qarkullimin dhe furnizimin e ushqyesve në flokë përmes enëve të gjakut, gjë e cila ndihmon për të përshpejtuar rritjen.
Për të stimuluar rritjen e flokëve, një ndihmë e çmueshme vjen nga xhenxhefili, një erzë shumë e dobishme. Për këtë arsye, përdoret për përgatitjen e një maske plotësisht natyrale, e cila aplikohet në lëkurën e kokës para larjes me shampon.
Këtu janë përbërësit për përgatitjen e trajtimit natyror për rritjen e flokëve me xhenxhefil.
Përgatitja:
Pluhuri i xhenxhefilit dhe vaji i susamit përzien mirë në një enë të posaçme.
Maska duhet të jetë e freskët dhe të përgatitet vetëm para përdorimit. Aplikimi i saj bëhet para shamponit, por është e këshillueshme, në mënyrë që me shampon mund të eliminohet çdo mbetje.
Maska aplikohet duke bërë masazh butësisht në lëkurë e kokës dhe duhet të lënë për të paktën 30 minuta para se të lani flokët.
Trajtimi me xhenxhefil mund të aplikohet në mbrëmje dhe të veprojë gjithë natën, në mënyrë që të maksimizohen efektet e dobishme.
Të nesërmen në mëngjes, flokët shpëlahen me një shampon normal dhe ujë të ngrohtë. /Telegrafi/
Në prag të 28 Nëntorit, Festës së Flamurit Kombëtar, datëlindjes së komandantit legjendar të Ushtrisë Çlirimtare të Kosovës (UÇK), Adem Jashari dhe daljes publike të UÇK-së, është organizuar aktiviteti tradicional Darka e Lamës në Llukë të Epërme të Deçanit.
Në këtë fshat historik të kuvendeve për pajtimin e gjaqeve te “Verrat e Llukës” në odën e rapsodit kombëtar Dervish Shaqa janë bërë bashkë shumë pjesëmarrës për të shënuar festën e njohur edhe si “Darka e Bereqetit” e karakterizuar me ushqimin tradicional, këngët me motive tradicionale, lojërat e ndryshme e plisat e bardhë.
Kryetari i Aleancës për Ardhmërinë e Kosovës (AAK), Ramush Haradinaj kujtoi kohën kur si fëmijë organizohej Darka e Lamës. Ai tregoi se çfarë kishte biseduar me ish-presidentin Ibrahim Rugova rreth këtij aktiviteti, për çka tha se është një ngjarje e mirë që bashkon njerëzit.
“I kujtoi këto 56 vjet ku si fëmijë jam rritur në Gllogjan, në shkollë kam ardhur në Deçan, në gjimnaz në një kohë, por edhe gjatë luftës pëllëmbë për pëllëmbë e kam shkelur këtë zonë nuk kishim nga të shkonim. Ashtu siç jeni rritur ju të moshës sime, edhe unë e kam mbërri Darkën e Lamës ende u organizonte. Ne folëm për bereqet, por ka qenë edhe bulmeti, kanë qenë t’i qesin edhe tinarët jashtë, t’i rreshtojnë t’i shihen, t’i vendosin vargjet me speca të gjitha ato, qepë e çfarë kanë pasur. Pas luftës, e kam pasur një bisedë me presidentin Rugova kur folshim për shenjat tona, pati thënë se Darka e Lamës është shenjë e jona, që ia pati filluar të organizohej në nivel vendi. Unë mendoj që kjo është shenjë e mirë, një ngjarje që na bashkon. Ju gjetsha bashkë gjithë, me bereqet dhe me të gjitha të mirat”, ka uruar Haradinaj.
Kryetari i Deçanit, Bashkim Ramosaj përgëzoi fshatin Llukë për organizimin e këtij aktiviteti tradicional.
“Juve ju rrit nderi për ftesën, ju lumtë për organizimin. Për hair Darka e Lamës, me bereqet, shëndet e të gjitha të mirat për juve dhe familjen tuaj. Unë jam krenar që jam nga ky qytet, por njëkohësisht jam krenar që bashkëpunojmë dhe kemi pajtimi të pakontestueshëm. Ju lumtë për idenë që ta bëni tradicionale (Darkën e Lamës)”, tha Ramosaj.
Deputetja e AAK-së, Time Kadrijaj vlerësoi se Darkën e Lamës si një traditë të mirë të popullit shqiptar.
“Faleminderit gjithë Llukës për iniciativën e mirë që keni marrë. Të hyj në një odë me burra, e të gjithë me qenë me veshje të bardha që është një traditë e mirë e shqiptarëve dhe të vazhdojë një traditë të tillë siç ka qenë Darka e Lamës. Në të kaluarën, të gjithë familjarët, çdo shtëpi shqiptare e ka festuar se është mbledhur bereqeti dhe kanë shtruar Darkën e Lamës. Shpresoj që do të vazhdojnë organizime të tilla që mbledhin edhe fshatin në një ndejë tradicionale”, tha Kadrijaj
Edhe kandidati për deputet në zgjedhjet e ardhshme nga AAK-ja, Arton Demhasaj përgëzoi idenë që Darka e Lamës të kthehet në traditë shqiptare.
“Kjo odë e vogël sot, por me histori të madhe. Veç ta bësh një shikim rreth e rreth kësaj ode e sheh se çfarë historie ka kjo. Unë personalisht ndihem tepër i nderuar që më është dhënë mundësia të vij në odën e rapsodit më të njohur shqiptar Dervish Shaqa. Njëmend, Lluka është një fshat i vogël, por ka histori të madhe. Kjo odë ka nxjerrë rapsodë si Dervish Shaqa e Demush Neziri e njëkohësisht në Llukë është mbajtur tubimi më i madh shqiptar. Asnjëherë në histori të shqiptareve nuk ka pasur tubim më të madhe se ai në Verrat e Llukës, ku është bërë pajtimi i gjaqeve. Ju përgëzoj për idenë e mirë që Darka e Lamës të kthehet në traditë shqiptare siç ka qenë dhe njëkohësisht ndihem i lumtur që kurrë në jetën time nuk kam parë më shumë plisa se që po shoh sot”, tha Demhasaj.
Kryetari i Këshillit të Bashkësisë Islame në Deçan, Naser Tolaj u shpreh i nderuar për pjesëmarrjen në këtë organizim.
“Po e ndjej vetën shumë të nderuar që në mesin e këtyre burrave e në veçanti në mesin e komandantëve më të suksesshëm siç është gjeneral Ramush Haradinaj, por njëkohësisht edhe afër kryetarit të komunës sonë, që jo pse është këtu, por vërtet dëshiroj ta falënderoj për punën dhe angazhimin… Ndihem i nderuar që gjendem në një fshat siç është Lluka. Është një fshat i vogël në kuptimin e numrit të banorëve, por ka dhënë njerëz shumë të mëdhenj… Verrat e Llukës janë të dalluara dhe të përmendura, janë pjesë e historisë për shkak të kontributit për pajtimin e gjaqeve. Me hair ju qoftë edhe Darka (e Lamës)”, tha Tolaj.
Shtrimi i kësaj darke u nis nga ish-presidenti Ibrahim Rugova në vitin 2002, ku synim ishte që të shënohet fundi i stinës së verës dhe fillimi i vjeshtës. Ndërsa, në sofrat, ku mysafirë ishin krerë institucionesh nga vendi e ndërkombëtarë, shtrohej ushqim tradicional. /kp/
Rrafshi i Dukagjinit nëpër histori është karakterizuar nga kulla të larta prej guri, të cilat mbi të gjitha patën dy funksione; atë të banimit dhe fortifikatave mbrojtëse kundër armikut.
Lufta e fundit në Kosovë, por edhe pakujdesia e pronarëve, bënë që numri i tyre sot të jetë shumë i vogël. Vetëm në lokalitetin e Deçanit janë dëmtuar dhe shkatërruar 263 kulla, thonë zyrtarët e kësaj komune.
“Numri i kullave në komunën e Deçanit para lufte ka qenë shumë i madh kurse pas luftës në bazë të inventarizimit të bërë në vitin 2000 ka qenë 236 kulla të dëmtuara. Jemi munduar që përmes shumë projekteve që njerëzve që posedojnë këto objekte të trashëgimisë kulturore t’iu ndihmohet mirëpo mundësitë për ndihmë nuk kanë qenë të mëdha edhe përkundër asaj që shumë donatorë kanë ndihmuar ka ndihmuar edhe komuna po edhe Ministria e Kulturës, mirëpo duke e pa në këto rrethana që edhe rikonstruktimi kushton, pronarët e këtyre kullave atëherë kanë bërë shkatërrimin e tyre””, tha për RTK, Shkëlzen Shehu, zyrtar i Komunës së Deçanit.
“Kulla është dëmtuar shumë, posaçërisht në kohën e fundit, por ajo ruhet dhe kultivohet sado që në masën e kufizuar po megjithatë gjen vend. Fatmirësisht ne arkitektët kemi pas fatin që edhe sot e kësaj dite ku e bëjmë at simbiozën, interferencën e kullës së vjetër me funksionalitetin e ri që dita ditës po gjen zbatim. Jemi të inkurajuar me interesimin e popullit tonë posaçërisht në komunën e Deçanit dhe Rrafshin e Dekanit, por na duhet që fryma dhe funksioni i vjetër të përshtaten, adaptohen dhe të interferohen në funksionin e ri gjë që nuk është lehët por është e mundshme”, tha Beqir Berisha, arkitekt.
E ato që kanë mbetur e rindërtuar në të shumtën tashmë u është ndërruar edhe destinimi. Njëra ndër to është kulla e Demukajve në Deçan apo siç është e njohur kulla e Sali Rrustës.
“Kjo kullë është deri më 31 maj 1998 nga forcat serbe kurse në 2002 ka filluar rindërtimi i saj edhe normal që destinimi i katit përdhesë është ndërruar sepse Deçani nuk është i dikurshmi kur ka pasur bagëtinë, pra kjo kullë tash ka pësuar ndryshime të vogla ku kati përdhesë siç po e shini është një sallon ndeje kurse katet tjera kanë qenë sikurse kanë qenë më përpara”, tha Haxhi Demukaj, pronar.
Sipas zyrtarëve komunalë në Deçan, disa prej këtyre kullave tashmë janë shndërruar në objekte të trashëgimisë kulturore e historike dhe janë të hapura për vizitorë.
Gushavci i Deçanit është njëri ndër atraksionet e shumta që ofron Rrafshi i Dukagjinit. I shtrirë në bregun e majtë të Lumbardhit të Deçanit gjendet burimi i ujit të thartë, i cili bënë sherimin e shumë sëmundjeve dhe që mbërthen rreth vetës një numër të madh vizitorësh.
Ky vend është një pasuri e qytetit të Deçanit i cili zë një hapësirë prej 2600 m², nga 651 m/lmd, i cili buron në tri vende të ndryshme.
Uji mineral i Gushavcit është i pijshëm por përveç kësaj bënë edhe sherimin e shumë sëmundjeve duke mbërthyer rreth vetës shumë vizitorë vendas ashtu edhe të huaj, për shkak të efektit qudibërës të tij.
Flitet se qëndrimi në burimet e këtij uji, iu mundëson shërimin përsonave të cilët kanë probleme me stomakun, infeksione të lëkurës, njolla në fytyrë, dhimbje të fytit, nyjeve e eshtrave.
Gjithashtu vlen të theksohet se Gushavci është ndër resurset më të rëndësishëm për zhvillim të Komunës së Deçanit. /Telegrafi/
Liqeni i Dukagjinit është një perlë natyrore e Kosovës, e njohur për bukurinë e saj të pashoqe dhe ujin e pastër kristal. Kajakimi në këtë liqen është një përvojë që nuk duhet humbur për dashamirët e natyrës dhe sporteve ujore.
Kajakimi në Liqenin e Dukagjinit është një aktivitet i rekomanduar për të gjithë ata që dëshirojnë të shijojnë bukuritë natyrore të Kosovës në një mënyrë aktive dhe relaksuese. Ky liqen i bukur ofron gjithçka që mund të dëshirojë një aventurier: qetësi, peizazhe mahnitëse dhe një lidhje të thellë me natyrën.
Deçani po bën çdo gjë për të përmbushur turistët dhe paketën turistike, duke organizuar aktivitete të kajakimit në Liqenin e Dukagjinit; dhe kjo pritet të ndodh edhe në vitet në vazhdim.
Deçani, një destinacion i shkëlqyer i natyrës!
Deçani si asnjëherë me parë është shëndrruar në distinscion të shkëlqyer të turizmit, dhe ka krijuar kushte dhe hapsira për pritjen dhe qendrimin e turistëve që dëshirojnë të i vizitojnë bukurit mahnitëse të bjeshkëve tona!
Deçani është një zonë e pasur me bukuri natyrore dhe trashëgimi kulturore, duke e bërë atë një destinacion tërheqës për turizmin.
Deçani gjithashtu ka shumë mundësi për aktivitete të tjera turistike, si ecje malore, alpinizëm dhe vizita në zonat rurale, ku mund të shijoni peizazhe mahnitëse të maleve të Dukagjinit dhe pasurinë e florës dhe faunës.
Rajoni ynë është gjithashtu i njohur për ushqimin e tij tradicional dhe mikpritjen e ngrohtë të banorëve.
Për ata që janë të interesuar për turizmin malorë dhe kulturor, Deçani ofron mundësi të shkëlqyera për të mësuar mbi bjeshkët e bukura, historinë, traditat dhe kulturën e këtij rajoni të Kosovës. Po ashtu, infrastruktura po zhvillohet, duke e bërë qytetin gjithnjë e më të aksesueshëm për vizitorët falë punës dhe përkushtimit të Kryetarit të Komunes z.Bashkim Ramosaj!
Belleja fshati piktoresk i qytetit të Deçanit, një bukuri e rrallë natyrore! Deçani, një destinacion i shkëlqyer i kulturës!
Deçani ka një natyrë të përkryer, një pjesë e veçantë e kësaj natyre të bukur është Dervishkomi, shijojeni këtë natyrë përmes kësaj pamje!
Deçani, një destinacion i shkëlqyer i natyrës!
M
